5:1 我們既因信稱義，就藉著我們的主耶穌基督得與 神相和。
5:2 我們又藉著他，因信得進入現在所站的這恩典中，並且歡歡喜喜盼望 神的榮耀。
5:3 不但如此，就是在患難中也是歡歡喜喜的；因為知道患難生忍耐，
5:4 忍耐生老練，老練生盼望；
5:5 盼望不至於羞恥，因為所賜給我們的聖靈將 神的愛澆灌在我們心裏。
今天所閱讀的這一段經文，保羅勉勵羅馬教會的弟兄姊妹：我們是因信而被上帝稱為義人，是藉著主耶穌基督而與上帝有了和睦的關係（羅5:1）
Ona nisa’osian no mita a Sowal no FC anini, o pipa’icel ci Pawlo to salikaka no Loma a kiwkay, sowal sa cingra, “O nano niti'eran i ci Kristoan ko sakanga'ay ita a malayap no Kawas. Saka, pakayni i Tapang ita ci Yis Kristoan ko sakararihaday ita ato Kawas,” saan.（LOMA5:1）
誠如過去幾週的信息所分享的：我們得救不是依靠自己的行為與能力，而是藉著上帝的恩典，藉著相信耶穌基督而得到拯救
Mato o nilayapan ita a kimad i ’ayaway a pinapina a lipay , “caay ko pakayni i dmak no tireng, caay haca ko nano ‘icel no mita a mapa’orip, o pakayniay i nano mikomi no Kawas, pakayni i pipaso’lin ci Yis Kristoan a mapa’orip kita.”
成熟的信仰生命特質
「信」就是成熟的基督徒展現出來的第一個信仰生命特質，也是我們基督教信仰的根基
O “piti’er” hananay i, o sa'ayaway a nipatalahkalan no misakristoay a nga'ayay a pinangan to piti'er to Kawas, o paranaan haca no Kristokiw konini.
我們相信主耶穌基督為了我們犧牲自己的生命，受苦、死而復活，勝過了死亡的枷鎖
Paso’lin kita kinafalah ci Yis Kristo to ‘orip no tireng, mapasemsem, mapacek i ciwcika a mapatay, ato lomowad a ma’orip nai patay a milowid to lonayi' no patay
因此使所有願意信靠主耶穌基督的人都能夠勝過死亡，得到主所應許的永生，這種信心就是「信」
Oarasaka pakalowid to patay ko polong no mihaiay a mitadi’ec to Tapang ci Yis Kristoan a tamdamdaw, a pakapilayap to nihaydaan no Tapang a mida’ocay a ‘orip, ta o hatiniay a paso’lin no faloco’ i, o “piti’er” hananay.
而保羅也認為，藉著這樣的「信心」，基督徒得以活在上帝的恩典當中，也因此歡歡喜喜地盼望著分享上帝的榮耀（羅5:2）
Ta o piharateng ni Pawlo i, pakayni i konini a “paso’lin no faloco’ ” i, o ma'oripayto ko misakrisotay i laloma' no mikomi no Kawas. Saka, salipahak sa kita a halamham to sapilcadaw ita to tadamaanay a 'dil no Kawas（LOMA 5:2）
然而，也藉著「信」，使得基督徒在患難中，仍然可以保有喜樂。
O romasato, pakayni i “piti’er” no mita to Kawas i, o lipahakay ko faloco’ no mita o misakristoay i kapadesan a dmak.
能夠「喜樂」的原因是因為羅馬書5:4所說的「上帝的嘉許帶來盼望」
O saka ira ko lipahak no falcoo’ i, mato sowal ni Pawlo i saka spat a tosir, “O nano kahmek no Kawas titaanan ko sakaira no pafaloco'an ita saan ko nika fana',”saan.
保羅相信，藉著信靠主耶穌基督可以幫助基督徒在患難中產生忍耐，而在患難中所產生的忍耐，是上帝所喜悅的、是蒙上帝所嘉許的，而上帝的嘉許，為基督徒帶來決不落空的盼望
Paso’lin ci Pawlo, pakayni i pitadi’ec to Tapang ci Yis Kristoan, manga’ay a mipadang to misakristoay to saka koda’it ko faloco’ i nilifetan to pades, ta o nano koda’it no faloco’ no misakristoay i, o kalipahakan no Kawas, o kahmekan no Kawas, ta o pipahmek no Kawas i, to sakairaaw no caay ko mamatoled a pafaloco’an ita o mitooray.
這就是一個信仰成熟的基督徒所展現出的第二種信仰生命特質。保羅在傳福音的生涯中常常遇到逼迫與患難，但是保羅知道主耶穌基督已經賜下安慰給他
Ta o hatiniay a dmak i, o saka tosa a ma'ikesay a pinangan no misakristoay. Honihoni malitomoh ni Pawlo ko ka’riang ato pades i pipatenek ningra to NR, nikawrira, mafana’ ci Pawlo, mapaflito no Tapang ci Yis Kisto i cingraan to sahinom.
（參考林後1:4-5「在我們的各種患難中，他安慰我們，使我們能夠用他所賜給我們的安慰去安慰遭遇各種患難的人。正像我們跟基督同受許多苦難，我們也藉著基督得到許多安慰。」
Manga’ay kita a minengneng to saka tosa a KOLITO 1:4-5, sowal sa ci Pawlo, “Yo mapades kami to masamaamaanay i, mihinom Cingra i tamiyanan. Saka, onini a sahinom Ningra i tamiyanan ko sapihinom niyam to mapadesay a tamdaw to masamaamaanay. Mikapot kami ci Kristoan a mapades to masamaamaanay a pades. Saka, pakayni i ci Kristoan ko sakahinom niyam to masamaamaanay.”）
因為保羅相信主耶穌基督賜下安慰給他，所以保羅產生了忍耐的能力，能繼續面對逼迫與患難
Nawhani, paso’lin ci Pawlo to nika mapaflito no Tapang ci Yis Kristo to sahinom i cingraan, orasaka, ira ko koda’itay a faloco’ ningra, sakaci’icel ningra a misi’ayaw to makari’angay ato kapadesan a dmak.
而在逼迫與患難中繼續堅持信仰，是蒙受上帝所嘉許，並且為保羅帶來盼望。
Ta itini i kapadesan a dmak i, mararid cingra a ma’imer ko pi’tier, o kahmekan no Kawas a dmak konini, ato sakaira ko pafaloco’an ni Pawlo.
而羅5:5保羅說：「這盼望不至於落空；因為上帝藉著他賜給我們的聖靈，已把他的愛澆灌在我們心裏。」
Orasaka, sowal sa ci Pawlo i saka lima a tosir, “Ano ira ko matiniay a pafaloco'an ita i, caay ko mamatoled kita. Nawhani o nipaflian no Kawas i titaanan a Fangcalay 'Adingo ko sakapitomes i titaanan to tadamaanay a olah Ningra.” saan.
有愛的信仰生命
「基督徒的盼望不至於落空」是因為基督徒擁有上帝所賜的聖靈，而且藉著聖靈的帶領與幫助，使基督徒可以活出有愛的信仰生命
O “caay ka mamalasawad ko pafaloco’an no misakristoay” hananay i, o pakayniay i nipaflian no Kawas i titaanan a F.A. a mikrid ato mipadang i titaanan, ta mapatalahkal no misakristoay ko ci’olahay a piti’er a ‘orip.
基督徒有愛心，就展現出第三種成熟的信仰生命特質
Ta o olah no faloco’ no misakristoay i, o saka tolo a ma^ikesay a pinangan no piti’er a ‘orip.
我們也可以參考羅馬書13:8-10，保羅說：「千萬不要負債！只有彼此相愛是你們該負的債。法律的命令規定：「不可姦淫；不可殺人；不可盜竊；不可貪心。」這一切以及其他的命令都包括在「愛人如己」這一條命令裡面了。一個愛別人的人，不會做出傷害他人的事。所以，愛成全了全部的法律。」
Mang’ay kita a minengneng to LOMA 13:8-10, sowal sa ci Pawlo itira, “Aka ka citadah to maan aca i cimacimaan. Ka o nika sasiolaolah namo a ccay ko lalahcien namo.
O maolahay to tamdaw i, o mido^doay to Rikec. Oya, <<Aka ka 'odang, aka pipatay, aka pitakaw, aka ka 'anof,>> sanay a limo'ot ato romaroma a limo'ot a ma^min i, masalaloma' noya, <<Samatiyaen o nika olah iso to tireng ko nika olah iso to tao,>> sanay a limo'ot. Nawhani ano maolah kamo i cimaanan i, caay pikari'ang kamo toya tamdaw.
Saka, ano maolah ko tamdaw i, o mido^doay cingra to Rikec.”
這也就是耶穌基督的教導：基督徒要愛上帝，也要愛人如己（太22:34-40）。基督徒要能夠活出有愛的信仰生命，就是為主做見證；就是傳福音的最佳方式。
Onini ko nipasifana’an ni Yis Kristo toya kapiolah ko misakristoay to Kawas, ato samatiyaen o miolah to tireng ko miolah to tamdaw, sanay a limo'ot（MATAY22:34-40）.
Ka pipatalahkal to ciolahay a piti’er a ‘orip ko misakristoay, o mipawacay to Tapang ci Yis Kristoan konini, ato o sanga'ayay a hoho konini a mipatnak to Fokoing.
那基督徒該如何活出有愛的信仰生命呢？
Nika, samaanen no misakristoay a mipatalahkal to ci’olahay a piti’er a ‘orip hakiya？
同樣在羅馬書5章裡，5:8保羅說：「上帝對我們顯示了無比的愛：當我們還是罪人的時候，基督已經為我們死了！」
Sowal sa ci Pawlo itini i Loma saka lima a cfang saka falo a tosir, “Yo cirarawho kita i, mapatay ci Kristo to saki titaanan. Onini ko sapahapinang no Kawas i titaanan to olah Ningra,” saan.
這就是「犧牲的愛」。耶穌基督甘願為了罪人而犧牲自己的生命，這就是上帝無比的大愛，而基督徒也應該學習這一份「為人犧牲的愛」。
O kinafalahy to 'orip sanay a olah ni Yis Kristo konini, mihai Cingra a kinafalah to ‘orip no tireng to saki ciraraway a tamdaw, o tadamaanay a olah no Kawas konini, ta kapinanam ko misakristoay tonini a “kinafalah to ‘orip to saki tao” sanay a olah.
我們也可以參看哥林多前書10:24，保羅說：「每一個人都不應該為自己的利益著想，而應該關心別人的利益。」
Manga’ay kita a minengneng to 1 KOLINTO 10:24,sowal sa “Aka ka o sakanga'ay no tireng a ccay ko haratengen. Ka o sakanga'ay no tao ko haratengen.”saan.
關心別人的利益、體貼他人的需要，甚至犧牲自己的利益也沒關係，就是活出有愛的信仰生命。
“Ka o sakanga'ay no tao ko haratengen.” “Ka o kacango’otan no tao ko damsayen”, ano makinafalahto ko sakanga’ay no tireng i, nga’ay ito, ta o hatiniay a dmak i, o mipatalahkalay to ciolahay a piti’er a ‘orip.
結語
因此各位弟兄姊妹，一個成熟的基督徒，他的信仰生命就會展現出「信心、盼望、與愛」的生命特質
Orasaka, kita o polong no salikaka, o ma^ikesay ko piti'er a misakristoay i, o mipatalahkalay to paso’lin no faloco’, ato ira ko pafaloco’an, ato olah no faloco' sanay a pinangan.
但願我們都能透過今天的經文和信息，再次思考我們的信仰生命
Nanay pakayni i sowal no FC ato kimad anini, miliyaw kita a misafaloco’ to piti’er a ‘orip no mita.
最後我們再來讀一節經文，哥林多前書13:13保羅說：「信心、盼望，和愛這三樣是永存的，而其中最重要的是愛」
Ta saikoray i, misa’osi kita to ccay a sowal no FC, i saka ccay a KOLINTO 13:13, sowal ci Pawlo, “Nikawrira, o mararid a ira ko piti'er, ato pafaloco'an ato olah. Onini a tolo i, o olah ko satadamaanay.” saan.
但願我們都能活出有信心、有盼望、有愛的信仰生命。
Nanay kita o polong no salikaka, manga’ay a mipatalahkal to “ira ko paso’lin no faloco’, ato pafaloco’an, ato ciolahay sanay a piti’er a ‘orip.
禱告：
我們的主偉大、全能，他的智慧無法衡量。他醫治憂傷的人，包紮他們的傷口。全地都要歌唱讚美上主；要彈琴頌讚我們的上帝。主啊！祈求聖靈幫助我們，透過今天的經文和信息再次思考我們的信仰生命。我們知道，一個成熟的基督徒，他的信仰生命就會展現出「信心、盼望、與愛」的生命特質。願我們都能成為您所喜悅的基督徒，透過不斷的操練我們的信仰生命，使我們的生命越來越成熟，活出符合耶穌基督教導的生命
O tadamaanay, o ci'icelay ko Tapang niyam！caay ko mamalalat ko taneng Ningra. O mihinomay Cingra to mararomay a tamdaw, o mitafoay Cingra to doka' nangra.
Karomadiw a mikansiya to Tapang, pidatok a pahmek to Kawas no niyam. Tapangaw！
Milongoc kami to pipadang no F.A. i tamiyanan, pakayni i nilayapan no niyam a sowal no F.C. ato kimad anini a romi’ad, a mili’yaw a miharateng to piti’er a ‘orip no niyam.
Mafana’ kami, o ma^ikesay ko piti'er a misakristoay, o mipatalahkal to “paso’lin no faloco’, ato ira ko pafaloco’an, ato olah no faloco'” sanay a pinangan no piti’er.
Nanay o polong no salikaka no niyam, mala kahmekan no Miso a misakristoay, pakayni i nika raid a misa'icel to piti'er a 'orip niyam, ta mangalef a mangalef ma’ikesay ko ‘orip no niyam, ta mapatalahkal ko matatodongay to sifana’ ni Yis Kristo a ‘orip niyam.
Kansiya ko faloco’, pakayni han niyam i tadamaanay a ngangan ni Yis Kristo ko pitolon,
Amin.